Sourashtra Time
NOW AVAILABLE IN READY STOCK. RUSH YOUR ORDER FOR hiinun caLisye, hitavun caLisye and cunuk caLisye for Rs. 250/- ONLY.
Advertisement
divaLi....Shreyangam

ஸ்ரேயங்க3ம்:


Vol.4 16th October  2016 Issue: 4


 

தி3வளி அவ்டி3யொயா?

 

ஓண்டெ தோ2ர் முல்லொ தி3வளி அவ்ட3ரெஸ் மெநெதி ஸொந்தோஷ் அவந் முல்லொ த்யே ஸொந்தோஷ் பில்லலுக் தே3த்தக் கோநக் ரீண் பொடு3வாய். ப2ல்சொ கோநக் ரீண் ஸருவாய் மெநஸ்தெ கொ4ரம் அவய். ஹொயெத் ஹிந்தா3 தி3ந்நு இஸொ நீ:. அம்கொ செது3வ் ஹால் காம்தா4முந் சொக்கட்கந் அப்3பி ஜொடும்புல்நுந் வேந் ஹொயி சொக்கட் வேஸ்கெரந் பரிவார்நுந் ஸே. ஹோயெத் அமி தியெ திந்நு ரீ: ஹிந்தா3ர்தி3 லெந்து செது3வ் நீ:த்தக் காம்தா4முந் ஸெர்க்க நீ:த்தக் உந்நாவருமாநும் ரீ:ண்ஸெந்தொ ஜிவத்தேஸ் அவ்ரெ ஜித்ரவ்கந் ஸேத்தெ மெநி மெல்லத்திஸாந் பரிவாருந் மெள்ளி அங்கு3ந் ஸே. தெங்க3 து3கா3ள்நுந் கோநக் திர்ச்செத்தெ மெநஸ்தெ தோ2ருதோ2ரு யோசநாந் கர்லேத் ஸே. ஹொயெத் கொங்கிஹால் கயி கெரந்ஹோரநி. ப2ட்கொ பொ3ட்டொ ஸிவி முஸ{நா து3ர்பள்நுக் தீ முஸ{நா மெநத்தெ வாசு நீ:த்த கெரந் முஸரெநி. ஹொயெத் உந்நொ கெரந் முஸிரெஸ்.


அம்ரெ குலமுக் ஹொயெ மகாகாம் கர்நாருந் கெரட்நாருந் ஜொவள் போ3நஸ் கூலி வேந் மய்லி ரெச்சாந் தய்லி மல்லியெ கலமஸ்கி ஜேடி3யொ. ஓண்டெ பாலிடெக்னிக், ஒண்டெ இன்ஜினியரிங் காலேஜ் அவெஹால் அம்ராம் செதுவ் அப்3ப2ள்ளி அம்ரெ ஜித்ரவ் ஸிங்கா3ர் பொட்லி அவரியொ அமி தொ3ளொ ஸொம்மர் ஸாரியொ. இஸா ஸொந்தோஷ் ஹொயெ தி3ந்நுவாருந் அவந்வேள் கெஷ்டம் பொடா3த்தெங்கோஸ் கெஷ்டமு கு3ர்து களாய் மெநெ ஸொக3ந் அவ்ராம் ஹந்நவ்காஸ் நீ:த்தெங்க ஸேத்தெநு தீ3 ஹேதுகெரி அஸ்கிதெநு ஈ தி3வளி ஸொந்தோஷ்கந் கொண்டல்லியெங்கொ.


அம்ரெ குலதே3வ் கீஷ்டுக் வந்தில்லிகிந் தி3வளி கெரங்கொ! கு3ள்ளெ ப2லார் க2ய்லி ப3ணால் லவ்லி வஸ்தர்நு நொவ்வநொவ்வ விதுரமு க4ல்லி மொந்நுபோ4ர் ஸொம்புந் பொ4வ்ரில்லி தி3வளி கெரங்கொ...அஸ்கி தெநு அவொ அவொ பொ2வ்நப்பந் பொந்துவாய் மெநி பொ3வ்லி அஸ்கி தெங்கொ மொரெ மொந்நு பொ4ரெ தி3வளி ஸ{ப4 நந்தி3நிந் ஸங்கு3லரெஸ்.

 

User Comments
Information
Name
Comments
 
Verification Code
1 + 5 =