Sourashtra Time
NOW AVAILABLE IN READY STOCK. RUSH YOUR ORDER FOR hiinun caLisye, hitavun caLisye and cunuk caLisye for Rs. 250/- ONLY.
Advertisement
bhasho hodvEn...ShrEyangam 1-10-19

ஸ்ரேயங்க3ம்:


Vol. 7                                     1st October 2019                                   Issue: 03


 

பா4ஷொ ஹொட்வெந்! ஹோர் செடெ3ந்!

ஒண்டெ பா4ஷொ ஹொட்நொ மெநெத் தீ பா4ஷொ வதுநார் தீ பா4ஷாம் லிக்கத்தக் செவ்தத்தக் ஸிக்கில்ர:நொ. அமி வதந் பா4ஷாம் லிக்கி செவ்தெ3தீஸ்பா4ஷொ ஹொட3ய். வத்தொ கெரரியொ அஸ்கி லிக்கிலேத் அவெத்காய் லிக்கரியொ அஸ்கி செவ்திலேத் அவெத்காய் தி மார்க3மூஸ் பா4ஷொ ஹொட3த்தக் வாட்ஹோய் மெநி பா4ஷா ஞாநிந் ஸங்கி3ராஸ். தி தா4நுக் ஸியெத் அமி அபுல் பா4ஷொ கப3ட்நொ மெநெத் லிக்கத்தக் ஸிக்குலுவொ. ஸாஹித்யமுந் செவ்த3ந் ஞாந் அப்3ப3ள்ளுவொ. ப2ல்சொ மாய் பா4ஷாம் ஸாஹித்யுந் லிக்குவொ. அத்தொ அம்கொ பஜெ ஸேத்தெ ஈ ஒண்டேஸ்.

மாய்பா4ஷொ ஸிக்கிலேத் அம்கொ காய் அப்33ய் மெநந் அர்துந் நீ:த்தெ வெட்டி வத்தாந் கெர்லி ஜிவ்நமு ம:ட்டக அப்3பந் கெ4நம் நஸிநம் கெர்லுநாங்கொ மெநி மி ஜவ்ணாந் ஜொவள் ஜு2க்கு மகு3லரியொ. ஜெநெ மாய் அம்கொ இக்க அவஸ்யம்கி த்யேதா4நுக் அம்கொ மாய்பா4ஷொ மெள்ளி அவஸ்யம். துமி கோட் ஜி ஜிவெத் மெள்ளொ துங்கொ கு3ர்து தே3ரியொ மாய்பா4ஷொ ஒண்டேஸ். ஈ ஜந்லி கோந்கோந் கா3மு அபுல் பா4ஷொ ஸிக்கட3ராஸ்கி தேட்ஜி ஸிக்குலுவொ. அம்ராம் அஸ்கி கா3முர் வத்தாநுந் யோக் ஹோய். வத்தாந் யோக் ஹொயெத் தெ3ட்சிண் போகு3ம் ஜிவ்லேத் ஸேத்தெ அம்ரெ ஜெநுல்நு மெள்ளி யோக் ஹோந்.

பா4ஷொ ஹொட்வெந்! ஹோர் செடெ3ந்! சிந்தநாந் யோக் ஹொயெத் நிந்த3நாந் த4மி ஜேடய்.

ஸெத்துலாம் ஒண்டெ விக்ஞாபநொ! எமொ அவ்ரியொ விளம்பரமுந் ஹுடி ஸவொ! அம்கொ எல்லெ ஒலாத3ள் சல்த கெரத்தக் ஹேதுக ரா:ய். 

User Comments
Information
Name
Comments
 
Verification Code
2 + 7 =