Sourashtra Time
NOW AVAILABLE IN READY STOCK. RUSH YOUR ORDER FOR hiinun caLisye, hitavun caLisye and cunuk caLisye for Rs. 250/- ONLY.
Advertisement
sabho pajeya? 1/7/19

ஸ்ரேயங்க3ம்:


 Vol. 6                                      1st July 2019                                    Issue: 21



ஸபொ4 பஜெயா?


அத்தொ அமி ருவ்வொ தெக்கெ அவள்ளுநொ. அம்ராம் அஸ்கி கா3முநும் அம்கொ தெ4ரி ஸபொ4மெநி ஒண்டெ தொ2வ்ல்ரியொ அஸ்கிநாக் களாய். ஈ ஸபா4ந் அஸ்கி ககொ அம்ரெ ம:ட்டாந் ஹரும்ப3ம் கெரெயொ. ஹிந்தொ3 தி கிஸொ ஸே மெநி ருவ்வொ க3ம்சி ஸியெத் மெநெத் அம்ரெ ஜெநுல்நுக் ஸபொ3 அவஸ்யம்யா மெநி லக3ஸ். தெமாம் மத்ய ஸபொ4 மெநி ஒண்டெ. தெமொ அக்3ராபதி ஹொயெத்காய் கார்யவாகு3ந் ஹொயெத்காய் அம்ரெ பா4ஷாம் சார்வத்தொ கெரந் முஸரெநி. அந்ய பா4ஷாந் கவ்லுநாத்தக் தெங்க வத்தொ அவரெநி. ஜதொ தெங்கஹால் மெளி ஸமூஹமுக் தெ4ரி கயி கெரந் ஹோரெநி. ஹொயெத் முல்லொ ப2ல்லொ ஹிந்த்யாத்தெநு மெநி ஒஜாநாக் ஒஜநாந் கெ4நம் கெர்லி ஸம்மாந் தீலி ஸொம்பு பொந்து3லத்தெ ஒண்டெ பெ4ளி விஸேஷ்க ஸே.

அம்ரெ ஸமூஹமு பா4ஷா உந்நதி3க் ஜித்ரப் ஸொட்3டி3 காம் கெர்நாருந் ஸே. அம்ரெ பா4ஷொ பு4லகஸ்கொ நெர்ப்புநொ மெநி ஹோர்க2ள்ளி தொ2ராதோ2ர் மெர்ச்சுலஸ்திஸொ ஸாஹித்யமுந் கெர்நாருந் ஸே. எங்கொ அஸ்கி பொ4ரெ ஸத3ஸும் பி3ஸடி3 கெ4நம் கெர்நொ. அம்ரெ ஸாஹித்யமு பொதிந் க2டி தெங்க அத்3நிக ர:நொ மெநந் ஹட்வந் கொங்கிநாக் அவரெநி. ஸமூஹமுக் இஸாந்இஸாந் காமுந் கெர்நொ மெநி விதிந் லிக்குலராஸ். ஹொயெத் த்யே தா4நுக் கொந்நீஸ் சல்லராநி மெநஸ்தேஸ் கா3ம் களயெ ஸமச்சார்க ஸேத்தெ.

தெகஹால் பா4ஷா உந்நதி3கிந் ஸாஹித்யமுந் கெர்நாருக் ஒண்டேஸ் கெ3நம் கெரெத் பு2ஜ்ஜாய் மெநி மெநந் அவரிn;யா நா: அம்ரெ ஸமூஹமுக் தெ4ரி ஸபொ4ஹால் அத்தொ அக்3ராபதிகந் ஸேத்தெங்கஹால் காய் கெரந் முஸிரெஸ். கயி கெரந் முஸரெநி மெநீஸ் மெந்நொ. திஸாந்வேளுஸ் ஸாத4ரண ப்ரஜுல்நுந் அம்கொ ஸபொ4ஹால் காய் ப2லுந்ஸே மெநி புஸரியொ. கா3மு ஸபொ4, மத்ய ஸபொ4 கெர்நொ ஹோரியொ காமுநஸ்கி தீதீ போகு3ம் ரா:ந் ந:ந்நந:ந்ந ஸ்தாபநாந் கெர்தராஸ். தெமாம் தெநு அவி பி3ஸி கொஞ்சுத நீ:த்த கெ4நம் க2ள்ளி ஜாராஸ் மெநெத்தேஸ் மி பா4டகந் ஸங்கு3லரியொ.

எக3ப2ராதுக் இஸநி ரா:நாத்தக் சொக்கட் காமுந் கெரி தெ3க்கடி3 ஜெநுல்நு அத்3நி க2ள்ளுவொ. அம்கொ ஸபொ4 அவஸ்யம் பஜெ. நிர்வாகிநுஸ் தெமொ அர்ப்பணொ கெர்லி காம் கெர்நார் அவ்நொ மெநி அமி ப்ரயாஸ் பொட3ரியொ. சலய்யா? சல்நொ....சலெத் சொக்கட்!

User Comments
Information
Name
Comments
 
Verification Code
3 + 8 =